കോഴിക്കോട്: കോഴിക്കോട് എസ്.എഫ്.ഐ പ്രവര്ത്തകന് വെട്ടേറ്റ സംഭവത്തില് ഒരു എസ്ഡിപിഐ പ്രവര്ത്തകന് പൊലീസ് കസ്റ്റഡിയില്. പേരാമ്പ്ര അരിക്കുളത്താണ് സംഭവം നടന്നത്. ആക്രമിച്ചത് എസ്ഡിപിഐ പ്രവര്ത്തകരെന്ന് വെട്ടേറ്റ വിഷ്ണു പറഞ്ഞിരുന്നു.
കാരാട് സ്വദേശി മുഹമ്മദിനെയാണ് മേപ്പയൂര് പോലീസ് കസ്റ്റഡിയില് എടുത്തത്. എസ്.എഫ്.ഐ ലോക്കല് സെക്രട്ടറിയായ എസ്.എസ് വിഷ്ണുവിനാണ് വെട്ടേറ്റത്. മുളകുപൊടി വിതറിയ ശേഷമാണ് വെട്ടിയതെന്നും അക്രമി സംഘത്തെ കണ്ടാലറിയാമെന്നും വിഷ്ണു പറഞ്ഞു. അക്രമി സംഘത്തില് ആറ് പേരാണ് ഉണ്ടായിരുന്നത് എന്നും പറയപ്പെടുന്നു.
