ന്യൂഡല്ഹി: ആം ആദ്മി പാര്ട്ടിക്കെതിരെ 500 കോടി രൂപ നഷ്ടപരിഹാരം ആവശ്യപ്പെട്ട് ഡല്ഹി ബിജെപി ഘടകം. തിരഞ്ഞെടുപ്പ് പ്രചാരണത്തിനായി ആംആദ്മി പാര്ട്ടി ബിജെപി സംസ്ഥാന അധ്യക്ഷന് മനോജ് തിവാരിയുടെ വീഡിയോ ഉപയോഗിച്ചുവെന്നാരോപിച്ചാണ് ബിജെപി ഇലക്ഷന് കമ്മിഷന് മുമ്പാകെ മാനനഷ്ടക്കേസ് ഫയല് ചെയ്തത് . ആം ആദ്മി പാര്ട്ടിയുടെ പ്രചാരണ ഗാനമായ ലഗേ രഹോ കെജ്രിവാള് എന്ന ഗാനത്തിനൊപ്പം തിവാരിയുടെ ഭോജ്പുരി ആല്ബത്തില് നിന്നുളള ഒരു രംഗം എഡിറ്റ് ചെയ്ത് എ എ
പി ഉപയോഗിക്കുകയായിരുന്നു. ലഗേ രഹോ കെജ്രിവാള് ഗാനം വളരെ ഹിറ്റ് ആയതിനാല് തിവാരിയും നൃത്തം ചെയ്തുപോയി എന്ന കുറിപ്പോടെ ആംആദ്മി തന്നെയാണ് വീഡിയോ ട്വിറ്ററില് പങ്കുവെച്ചത്. തന്റെ വീഡിയോ ഉപയോഗിക്കാന് ആരാണ് ആം ആദ്മി പാര്ട്ടിക്ക് അനുവാദം കൊടുത്തത് എന്ന് ചോദിച്ച തിവാരി ഇതുസംബന്ധിച്ച് ഇലക്ഷന് കമ്മിഷന് പരാതി നല്കിയതായി അറിയിച്ചു.
ആം ആദ്മി പാര്ട്ടിക്കെതിരെ 500 കോടി രൂപ നഷ്ടപരിഹാരം ആവശ്യപ്പെട്ട് ഡല്ഹി ബിജെപി ഘടകം
Posted on Jan 13, 2020, 10:33 am IST at 10:33 am 
