ന്യൂഡല്ഹി: വോട്ടെണ്ണല് ദിവസമായ 23 ന് കാശ്മീരില് വന് ആക്രമണത്തിന് പദ്ധതിയിട്ടിരുന്നതായി ഇന്റലിജന്സ് റിപ്പോര്ട്ട്. പാക്കിസ്ഥാന് ആസ്ഥാനമാക്കി പ്രവര്ത്തിക്കുന്ന തീവ്രവാദി ഗ്രൂപ്പുകളായിരിക്കും ആക്രമണത്തിന് പിന്നിലെന്നും റിപ്പോര്ട്ടില് പറയുന്നു. ശ്രീനഗറിലേയും അവന്തിപൂറിലേയും എയര്ഫോഴ്സ് ബേസുകളാണ് ആക്രമണം നടത്താന് ലക്ഷ്യമിടുന്നത്.
കശ്മീരിലെ ഷോപ്പിയാന് മേഖലയില് വ്യാഴാഴ്ച കൊല്ലപ്പെട്ട ഭീകരന്റെ മൃതദേഹത്തില് നിന്നും ലഭിച്ച ചിത്രത്തില് നിന്നാണ് ആക്രമണത്തിന്റെ വിവരം സുരക്ഷാ ഉദ്യോഗസ്ഥര്ക്ക് ലഭിച്ചത്. ചിത്രത്തിലെ ഭൂപടവും രേഖകളും വിലയിരുത്തിയപ്പോള് ആക്രമണം ശ്രീനഗറിലോ അവന്തിപോറയിലോ ആകാനാണ് സാധ്യതയെന്ന് കണ്ടെത്തിയതായി സുരക്ഷാ ഉദ്യോഗസ്ഥര് അറിയിച്ചു.
