ന്യൂഡല്ഹി: ഐആര്സിടിസി അഴിമതി കേസില് ആര്ജെഡി നേതാവ് ലാലു പ്രസാദ് യാദവ് സമര്പ്പിച്ച ജാമ്യാപേക്ഷയില് വിധി പറയുന്നത് മാറ്റിവെച്ചു. ഡല്ഹി പട്യാല ഹൗസ് കോടതിയാണ് ഫെബ്രുവരി 11ലേക്ക് വിധി പറയുന്നത് മാറ്റിയത്.
ജനുവരി 19 വരെ ലാലുവിന് ഡല്ഹി കോടതി ജാമ്യം അനുവദിച്ചിരുന്നു. സിബിഐയും എന്ഫോഴ്സ്മെന്റ് ഡയറക്ടറേറ്റും അന്വേഷിച്ച രണ്ടു കേസുകളിലാണ് ലാലു പ്രസാദ് ജാമ്യം തേടുന്നത്.
ലാലു പ്രസാദ് യാദവ് കേന്ദ്ര റെയില്വേ മന്ത്രിയായിരുന്നപ്പോള് 2004ല് ഇന്ത്യന് റെയില്വേ കേറ്ററിംഗ് ആന്ഡ് ടൂറിസം കോര്പറേഷന്റെ (ഐആര്സിടിസി) റാഞ്ചിയിലെയും പുരിയിലെയും ഹോട്ടലുകളുടെ നടത്തിപ്പു കരാര് സുജാത ഹോട്ടല്സ് എന്ന സ്വകാര്യ കമ്ബനിക്കു നല്കിയതിനു കൈക്കൂലിയായി പാറ്റ്നയില് ബിനാമി പേരില് വന് വിലയുള്ള മൂന്നേക്കര് ഭൂമി ലഭിച്ചുവെന്നതാണ് കേസ്.
