കോയമ്പത്തൂര്: റെയില്വേ ട്രാക്കില് ഇരിക്കുകയായിരുന്ന എഞ്ചിനീയറിങ് വിദ്യാര്ഥികള് ട്രെയിന് തട്ടി മരിച്ചു. സുലൂര് റാവുത്തല് പാലം റെയില്വേ മേല്പ്പാലത്തിനടുത്ത് പാളത്തിലിരുന്ന വിദ്യാര്ഥികളെ ചെന്നൈ-ആലപ്പുഴ എക്സ്പ്രസ് ട്രെയിനാണ് ഇടിച്ചുതെറിപ്പിച്ചത്. സംഭവത്തില് ഒരു വിദ്യാര്ഥി പരിക്കുകളോടെ രക്ഷപ്പെട്ടു.
വിദ്യാര്ഥികള് പാളത്തിലിരുന്ന് മദ്യപിക്കുകയായിരുന്നുവെന്ന് സംശയിക്കുന്നുവെന്ന് പോലീസ് പറയുന്നു. അപകട സ്ഥലത്തുനിന്ന് മദ്യക്കുപ്പിയും ഡിസ്പോസിബിള് കപ്പുകളും കണ്ടെടുത്തിട്ടുണ്ട്.
