പാട്ന: മൂന്ന് വയസുകാരിയുടെ മൃതദേഹം നെല്പ്പാടത്ത് ഉപേക്ഷിക്കപ്പെട്ട നിലയില് കണ്ടെത്തി. പീഡന ശ്രമത്തെ തുടര്ന്നുള്ള കൊലപാതകമാണെന്നാണ് പൊലീസ് സംശയിക്കുന്നത്. ബിഹാറിലെ സാംസ്ത്രിപുര് ജില്ലയില് ഞായറാഴ്ചയാണ് കുട്ടിയുടെ മൃതദേഹം കണ്ടെടുത്തത്.
കഴിഞ്ഞ ദിവസം തന്റെ കൈയില് നിന്നും ഒരാള് കുഞ്ഞിനെ ബലമായി തട്ടിയെടുത്തു കൊണ്ട് പോവുകയായിരുന്നെന്ന് കുഞ്ഞിന്റെ അമ്മ പൊലീസില് പരാതി നല്കിയിരുന്നു. തുടര്ന്ന് നടത്തിയ അന്വേഷണത്തിലാണ് കുഞ്ഞിന്റെ മൃതദേഹം കണ്ടെടുത്തത്.
