കൊച്ചി: കൊച്ചിയില് നിന്ന് മൂന്ന് ബോഡോ തീവ്രവാദികളെ പോലീസ് അറസ്റ്റ് ചെയ്തു. പെരുമ്പാവൂരിലെ മണ്ണൂരില് വെച്ചാണ് വ്യാജ പേരില് കഴിയുകയായിരുന്ന ഇവരെ പോലീസ് അറസ്റ്റ് ചെയ്തയ്. അസം പോലീസാണ് ഇവരെക്കുറിച്ചുള്ള വിവരങ്ങള് കേരളാ പോലീസിനു കൈമാറിയത്.
ഇന്നു പുലര്ച്ചെയാണ് ഇവരെ പൊലീസ് അറസ്റ്റു ചെയ്തത്. ആസാമില് കൊലപാതക കേസിലടക്കം പ്രതികളാണ് പിടികൂടിയ മൂന്നുപേരും. ഇതര സംസ്ഥാന തൊഴിലാളികള് എന്ന നിലയിലാണ് ഇവര് എറണാകുളത്ത് താമസിച്ചു പോന്നത്. ഇവര് എത്തിയിട്ട് 15 ദിവസം എങ്കിലും ആയിക്കാണുമെന്നാണ് കണക്കാക്കുന്നത്. ഇവരെ അസം പോലീസിനു കൈമാറും.
