ന്യൂഡല്ഹി: പാകിസ്താന്, ബംഗ്ലാദേശ്, ശ്രീലങ്ക എന്നിവിടങ്ങളില് നിന്നുള്ള മുസ്ലിം ഇതര അഭയാര്ഥികള്ക്ക് പൗരത്വം അനുവദിക്കുന്ന പൗരത്വഭേദഗതി ബില്ലിന് കേന്ദ്ര മന്ത്രി സഭാ യോഗം അംഗീകാരം നല്കി. അടുത്ത ആഴ്ച ഈ ബില് പാര്ലമെന്റില് അവതരിപ്പിക്കുന്നതാണ്.
ഹിന്ദു, കൃസ്ത്യന്, സിഖ്, ജൈന്, ബുദ്ധ,പാഴ്സി മതക്കാര്ക്ക് പൗരത്വം നല്കുകയാണ് ബില്ലിലൂടെ ലക്ഷ്യമിടുന്നത്. തിരഞ്ഞെടുത്ത വിഭാഗങ്ങളിലെ അനധികൃത കുടിയേറ്റക്കാര്ക്ക് ഇളവുകള് നല്കുന്നതിന് നിലവിലുള്ള നിയമങ്ങളില് ബില് ഭേദഗതി ചെയ്യെണ്ടതായിട്ടുണ്ട് . ബില് പാര്ലമെന്റിലെത്തുമ്പോള് ബിജെപി എംപിമാരെല്ലാവരും ഹാജരാകണമെന്ന് ആഭ്യന്തര മന്ത്രി അമിത് ഷാ ആവശ്യപ്പെട്ടിട്ടുണ്ട്.
