ന്യൂ ഡൽഹി : പ്രിയങ്കാ ഗാന്ധിയുടേത് ഉൾപ്പെടെ 121 ഇന്ത്യക്കാരുടെ ഫോൺ വിവരങ്ങൾ ചോർത്തിയതുമായി ബന്ധപ്പെട്ട് പാർലമെന്ററി സമിതികളിൽ അന്വേഷണം ആവശ്യപ്പെടാൻ കോൺഗ്രസ്സ്. ഇസ്രായേലി സ്പൈവെയറാണ് കോൺഗ്രസ്സ് നേതാവ് പ്രിയങ്കാ ഗാന്ധിയുടേതടക്കമുള്ളവരുടെ വിവരങ്ങൾ ചോർത്തി എന്ന വിവരം പുറത്തുവന്നത്.
ആഭ്യന്തര മന്ത്രാലയ സ്റ്റാൻഡിങ് കമ്മിറ്റിയിലും ഐടി മന്ത്രാലയ സ്റ്റാൻഡിങ് കമ്മിറ്റിയിലുമാണ് ഫോൺ ചോർത്തൽ ചർച്ചയാക്കാൻ കോൺഗ്രസ്സ് ആലോചിക്കുന്നത് . ആനന്ദ് ശർമ്മയാണ് ആഭ്യന്തര മന്ത്രാലയ സ്റ്റാൻഡിങ് കമ്മിറ്റി അധ്യക്ഷൻ. ഐടി മന്ത്രാലയ സ്റ്റാൻഡിങ് കമ്മിറ്റി അധ്യക്ഷൻ ശശി തരൂരുമാണ്.
