തീവണ്ടിയിൽ പീഡന ശ്രമം ; യാത്രക്കാരൻ അറസ്റ്റിൽ
മുംബൈ : ഓടിക്കൊണ്ടിരിക്കുന്ന ട്രെയിനിൽ പെൺകുട്ടിയെ പീഡിപ്പിക്കാൻ ശ്രമിച്ച യാത്രക്കാരൻ അറസ്റ്റിൽ. താനെയിൽ നിന്ന് പുറപ്പെട്ട ലോക്കൽ ട്രെയിനിലാണ് സംഭവം. ട്രെയിനിൽ സഹയാത്രികനായ ഒരാൾ പകർത്തിയ വീഡിയോ വഴിയാണ് അക്രമ ദൃശ്യങ്ങൾ ലഭ്യമായത്. അക്രമം നടക്കുമ്പോഴും ഇടപെടാതെ നോക്കി നിൽക്കുന്ന സഹയാത്രികരും തൊട്ടടുത്ത കംപാർട്മെന്റിൽ അക്രമം നോക്കി നിൽക്കുന്ന റെയിൽവേ ഗാർഡും വിഡിയോയിൽ പതിഞ്ഞിട്ടുണ്ട്. പിന്നീട് ട്രെയിൻ ദാദർ സ്റ്റേഷനിൽ എത്തിയപ്പോൾ റെയിൽവേ പോലീസ് അക്രമിയെ അറസ്റ്റ് ചെയ്തു.
