ഹൈദരാബാദ്: തെലുങ്കാനയില് മിന്നുന്ന ജയം സ്വന്തമാക്കിയ തെലുങ്കാന രാഷ്ട്ര സമിതി (ടിആര്എസ്) വ്യാഴാഴ്ച സര്ക്കാര് രൂപീകരിക്കും. ടിആര്എസ് അധ്യക്ഷന് കെ.ചന്ദ്രശേഖര റാവു വ്യാഴാഴ്ച സത്യപ്രജ്ഞ ചെയ്ത് അധികാരമേല്ക്കും. 119 അംഗ നിയമസഭയില് 88 എണ്ണം നേടി കോണ്ഗ്രസിനെ തറപറ്റിച്ചാണ് ചന്ദ്രശേഖര റാവു അധികാരത്തിലേറുന്നത്.
ഗജേവാളില് നിന്നും അന്പതിനായിരത്തിലധികം വോട്ടുകളുടെ ഭൂരിപക്ഷം നേടിയാണ് കെ.സി.ആര് വിജയിച്ചു കയറിയത്. ടിഡിപിയുമായി സഖ്യമുണ്ടാക്കി രംഗത്തിറങ്ങിയ കോണ്ഗ്രസിന് 21 സീറ്റുകളില് മാത്രമാണ് വിജയം നേടാന് കഴിഞ്ഞത്. ബിജെപിക്ക് ഒരു സീറ്റാണ് ലഭിച്ചത്.
