പത്തനംതിട്ട : കേരളത്തില് വേനല്മഴ ശക്തി പ്രാപിച്ചതോടെ വിവിധ ജില്ലകളില് കേന്ദ്ര കാലാവസ്ഥ വിഭാഗത്തിന്റെ ജാഗ്രതാ മുന്നറിയിപ്പ്. കനത്ത മഴ ഉണ്ടാകാന് സാധ്യതയുള്ളതിനാല് പല ജില്ലകളിലും യെല്ലോ അലര്ട്ട് പ്രഖ്യാപിച്ചു. 24 മണിക്കൂറില് 6 സെ.മീ മുതല് 11 സെ.മീ വരെ ലഭിക്കുന്ന ശക്തമായ മഴയ്ക്ക് സാധ്യതയുണ്ടെന്നാണ് റിപ്പോര്ട്ട്.
ഏപ്രില് 13 ന് ആലപ്പുഴ, എറണാകുളം, ഇടുക്കി, വയനാട്, 14 ന് തിരുവനന്തപുരം, ഇടുക്കി, പാലക്കാട്, മലപ്പുറം, കോഴിക്കോട് വയനാട്, 15 ന് തിരുവനന്തപുരം, പത്തനംതിട്ട, ഇടുക്കി, തൃശൂര്, പാലക്കാട് , മലപ്പുറം, കോഴിക്കോട്, വയനാട്, 16 ന് തിരുവനന്തപുരം, പത്തനംതിട്ട, ഇടുക്കി, പാലക്കാട് , മലപ്പുറം, വയനാട്, ഏപ്രില് 17ന് എറണാകുളം, ഇടുക്കി, തൃശൂര്, പാലക്കാട് , മലപ്പുറം, വയനാട് എന്നിങ്ങനെയാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
