ആലപ്പുഴ : വെണ്മണിയിൽ ദമ്പതികളെ കൊലപ്പെടുത്തിയ കേസിൽ ബംഗ്ലാദേശ് സ്വദേശികളെ വിശാഖപ്പട്ടണത്ത് നിന്ന് റെയിൽവെ സുരക്ഷാ സേന പിടികൂടി. ലബിലു, ജുവൽ എന്നിവരാണ് പിടിയിലായത്. പ്രതികളുടെ ചിത്രം പതിപ്പിച്ച നോട്ടീസ് ആർപിഎഫ് എല്ലായിടത്തും കൈമാറിയിരുന്നു. ഈ ചിത്രങ്ങൾ തിരിച്ചറിഞ്ഞാണ് റെയിൽവേ സുരക്ഷാ സേന ഇവരെ പിടികൂടിയത്. ചെന്നൈ-കോറമണ്ടൽ എക്സ്പ്രസ്സിൽ യാത്ര ചെയ്യുകയായിരുന്നു പ്രതികളായ ഇരുവരും.
നവംബർ 12നാണ് വെണ്മണി കൊഴുവല്ലൂർ പാറച്ചന്ത ആഞ്ഞിലിമൂട്ടിൽ എ.പി. ചെറിയാനും ഭാര്യ ലില്ലിയും കൊല്ലപ്പെട്ടത്. ചെറിയാനെ വീട്ടിലെ സ്റ്റോർ മുറിയിലും ലില്ലിയെ അടുക്കളയിലമാണ് വെട്ടേറ്റ നിലയിൽ കണ്ടെത്തിയത്.
