പാലക്കാട് : വാളയാറിലെ പെൺകുട്ടികൾ മരിച്ച കേസിൽ പുനരന്വേഷണം വേണം എന്നാവശ്യപ്പെട്ടുക്കൊണ്ടുള്ള ബിജെപിയുടെ നീതി രക്ഷാ മാർച്ച് ഇന്ന് തുടങ്ങും. വൈകിട്ട് മൂന്ന് മണിക്ക് അട്ടപ്പളളത്ത് നിന്ന് ആരംഭിക്കുന്ന മാർച്ച് ബിജെപി നേതാവ് കെ. സുരേന്ദ്രനാണ് നയിക്കുന്നത്.
വാളയാർ, പുതുശ്ശേരി എന്നിവിടങ്ങളിൽ പര്യടനം നടത്തിയതിന് ശേഷം വ്യാഴാഴ്ച്ച കളക്ടറേറ്റിന് മുന്നിൽ ജാഥ സമാപിക്കും. ആദ്യ ദിനത്തിലെ സമാപന യോഗത്തിൽ ബിജെപി ഉപാധ്യക്ഷൻ എ.പി. അബ്ദുള്ളക്കുട്ടി സംസാരിക്കും. കേസിൽ പുനരന്വേഷണം ഉത്തരവിടുന്നത് വരെ സമരം ചെയ്യാൻ തന്നെയാണ് കോൺഗ്രസ്സിന്റെയും നിലപാട്.
