കോഴിക്കോട്: കേന്ദ്ര സര്ക്കാര് കൊണ്ടുവന്ന പൗരത്വ ഭേദഗതി നിയമം നടപ്പിലാക്കാന് മുഖ്യമന്ത്രിയോട് ആരും ആവശ്യപ്പെട്ടിട്ടില്ലെന്ന് കേന്ദ്ര മന്ത്രി വി.മുരളീധരന്. കേരളത്തില് നടപ്പാക്കില്ലെന്ന് പറയാന് അദ്ദേഹത്തിന് ഈ വിഷയത്തിൽ എന്തെങ്കിലും അധികാരം വേണം. അത് ഇല്ലെന്ന് തിരിച്ചറിഞ്ഞ് കൊണ്ട് ഉണ്ടെന്ന് വരുത്തി തീര്ക്കാനുള്ള ശ്രമമാണ് ഇത്തരം പ്രസ്താവനയിലൂടെ അദ്ദേഹം നടത്തുന്നത്.
എന്.ആര്.സി രാജ്യത്ത് നടപ്പിലാക്കാന് ആരും തീരുമാനിച്ചിട്ടില്ല. അത് ആസാമിന് മാത്രം ബാധകമായ കാര്യമാണ്. നടപ്പിലാക്കാത്ത ഒരു നിയമത്തിന്റെ പേരിലാണ് ഇപ്പോള് പ്രക്ഷോഭം സംഘടിപ്പിച്ചിരിക്കുന്നത്. ഇതിന്റെ വസ്തുത തിരിച്ചറിയാന് ശ്രമിക്കണമെന്നും മന്ത്രി ആവശ്യപ്പെട്ടു.
