കല്പറ്റ: വയനാട് പനമരം നിര്വാരത്ത് കടബാധ്യതമൂലം കര്ഷകന് ആത്മഹത്യ ചെയ്തു. നീര്വാരം സ്വദേശി ദിനേശന് (52) ആണ് ആത്മഹത്യ ചെയ്തത്. നാല് ബാങ്കുകളിലായി 20 ലക്ഷത്തോളം രൂപ കടബാധ്യതയുള്ളതായി ബന്ധുക്കള് പറഞ്ഞു. വെള്ളിയാഴ്ച രാത്രി വീട്ടില് വെച്ച് വിഷം കഴിച്ച ദിനേശനെ മാനന്തവാടി ജില്ലാ ആശുപത്രിയില് പ്രവേശിപ്പിച്ചെങ്കിലും ഇന്ന് രാവിലെയോടെ മരണം സംഭവിക്കുകയായിരുന്നു.
കൃഷി ആവശ്യാര്ത്ഥം വിവിധ ബാങ്കുകളില്നിന്ന് ദിനേശന് ലോണ് എടുത്തിരുന്നു. ഇതിന് റവന്യൂ റിക്കവറി നോട്ടീസ് ലഭിച്ചിരുന്നതായും ബന്ധുക്കള് പറയുന്നു. അതേസമയം ഇയാളുടെ വായ്പകളുടെ വിശദാംശങ്ങളെ സംബന്ധിച്ച് ബാങ്കുകളില് നിന്ന് വിവരം ലഭ്യമായിട്ടില്ല.
