ജിദ്ദ: ജിദ്ദ തുറമുഖത്തിന് സമീപം ഇറാന്റെ എണ്ണ ടാങ്കറില് സ്ഫോടനംനടന്നു . ചെങ്കടലിലൂടെ പോകുകയായിരുന്ന ടാങ്കറിലാണ് സ്ഫോടനമുണ്ടായത്. തീവ്രവാദി ആക്രമണമാണ് സ്ഫോടനത്തിന് പിന്നിലെന്നാണ് ഇറാന്റെ ഔദ്യോഗിക വാര്ത്താ മാധ്യമം റിപ്പോര്ട്ട് ചെയ്തത്. ഇറാനിലെ നാഷണല് ഓയില് കമ്പനിയുടെ ഉടമസ്ഥതയിലുള്ള ടാങ്കറിലാണ് സ്ഫോടനമുണ്ടായത്.
ജിദ്ദയില് നിന്ന് 60 മൈല് അകലെവച്ചാണ് സംഭവം.സ്ഫോടനത്തില് തകര്ന്ന ടാങ്കറിലെ ജീവനക്കാര് സുരക്ഷിതരാണ്. മേഖലയില് സംഘര്ഷം നിലനില്ക്കുന്നതിനിടെയാണ് ഈ സംഭവം.
