ഭുവനേശ്വര്: ബംഗാള് ഉള്ക്കടലിനു മുകളില് ഉദ്ഭവിച്ച അതിശക്തമായ ചുഴലിക്കൊടുങ്കാറ്റ് തിത്ലി ഒഡിഷ തീരത്തെത്തി. ഇന്ന് രാവിലെ ആറ് മണിയോടെയാണ് കാറ്റ് തീരം തൊട്ടത്. ഒഡിഷ- ആന്ധ്രപ്രദേശ് തീരത്തെത്തിയ ചുഴലിക്കൊടുങ്കാറ്റിനെ തുടര്ന്ന് ഒഡിഷയില് ശക്തമായ മഴയ്ക്ക് സാദ്ധ്യതയുണ്ട്.
ചുഴലിക്കാറ്റ് ബാധിക്കാന് സാദ്ധ്യതയുള്ള മേഖലകളിലെല്ലാം ആവശ്യത്തിന് മുന്കരുതലുകള് എടുത്തിട്ടുണ്ട്. മുന്നൂറോളം മോട്ടോര് ബോട്ടുകളും രക്ഷാപ്രവര്ത്തനത്തിന് സജ്ജമാണ്. രണ്ട് ദിവസം മഴ തുടര്ന്നാല് വെള്ളപ്പൊക്കവും ഉണ്ടായേക്കാം. സ്കൂളുകള്ക്കും കോളേജുകള്ക്കും അവധി ന്ല്കി. മൂന്ന് ലക്ഷത്തോളം പേരെ സുരക്ഷിത സ്ഥലങ്ങളിലേക്ക് മാറ്റിപ്പാര്പ്പിച്ചു. തിരമാലകള് ഒരു മീറ്റര് ഉയരത്തില് വരെ അടിച്ചേക്കാമെന്നും മുന്നറിയിപ്പുണ്ട്.
