ഏപ്രില്‍ 14 ന് ഭൂമി രക്ഷപ്പെട്ടത് വന്‍ ദുരന്തത്തിൽ നിന്ന്. പ്രാദേശിക സമയം പുലര്‍ച്ച 2.41ഓടെയായിരുന്നു സംഭവം. ഭൂമിയുടെ നേര്‍ക്ക് അഞ്ജാത വസ്തു ക്കള്‍ കടന്നു വരുന്നത് നാളുകള്‍ക്കു മുമ്പേ തിരിച്ചറിയാന്‍ നാസ പദ്ധതി വേന്ദ്രമായ സെന്റര്‍ ഫോര്‍ നിയര്‍ ഏര്‍ത്ത് ഓബ്ജക്ട് സ്റ്റഡീസ്(സിഎന്‍ഇഒഎസ്)പോലും ഛിന്നഗ്രഹത്തിന്റെ ഈ വരവ് അറിഞ്ഞില്ല.
ഒരു ഫുട്‌ബോള്‍ മൈതാനത്തോളം വലുപ്പമുള്ള ഛിന്നഗ്രഹമായ ജിഇ3 ഏപ്രില്‍ 13 ന് ഗവേഷകര്‍ കണ്ടെതിയപ്പോളേക്കും അത് ഭൂമിയോട് അടുത്തിരുന്നു. അതായത് ഭൂമിക്ക് ഏറ്റവും അടുത്ത് ഈ ഛിന്നഗ്രഹം എത്തുന്നതിനു വെറും 21 മണിക്കൂര്‍ മുന്‍പു മാത്രം. ജിഇ3യുടെ ഇതുവരെയുള്ള യാത്രയില്‍, 90 വര്‍ഷത്തിനിടെ, ഇതാദ്യമായാണ് ഭൂമിക്ക് ഇത്രയും അടുത്ത് ഈ ഛിന്നഗ്രഹം എത്തുന്നത്. ഭൂമിയും ചന്ദ്രനും തമ്മിലുള്ള ശരാശരി ദൂരത്തിന്റെ പകുതിയോളം ദൂരത്തില്‍ ജിഇ3 എത്തിയിരുന്നു.
57 മുതല്‍ 360 അടി വരെ വ്യാസമുള്ള ഛിന്നഗ്രഹമായിരുന്നു ജിഇ3. 1908 ല് സൈബീരിയയിലെ അഞ്ചു ലക്ഷം ഏക്കര്‍ വരുന്ന കാടിനെ കത്തിച്ചു കളഞ്ഞ ഛിന്നഗ്രഹത്തേക്കാള്‍ മൂന്നര മടങ്ങെങ്കിലും വലുപ്പമുള്ളതായിരുന്നു ഇത്. അരിസോണ സര്‍വകലാശാലയിലെ കാറ്റലിന സ്‌കൈ സര്‍വേ പദ്ധതിയിലെ നിരീക്ഷണത്തിനിടെയാണ് ഏപ്രില്‍ 13ന് ജിഇ3 ആദ്യം ഗവേഷകരുടെ കണ്ണില്‍പ്പെടുന്നത്. ഏകദേശം ഒരു അണുബോംബിനോളം ശേഷി പാറകളും ലോഹങ്ങളും നിറഞ്ഞതായിരുന്നു ഈ ചിന്ന ഗ്രഹം.
