കൊച്ചി : തകർന്ന് കിടക്കുന്ന പാലാരിവട്ടം പാലം പുതുക്കിപ്പണിയുന്നതിൽ നിന്ന് ഡിഎംആർസി പിന്മാറാൻ ഒരുങ്ങുന്നു . ഇത് സൂചിപ്പിച്ച് ഉടനെത്തന്നെ സർക്കാരിന് കത്ത് നൽകുമെന്ന് ഇ. ശ്രീധരൻ അറിയിച്ചു.
2020 ജൂണിൽ പാലം പണി പൂർത്തിയാക്കാമെന്നായിരുന്നു കരാർ. എന്നാൽ പാലം പുനർനിർമ്മാണം കോടതി സ്റ്റേ ചെയ്തിരിക്കുന്നതിനാൽ ഡിഎംആർസിക്ക് പണി തുടങ്ങാൻ സാധിച്ചില്ല. ഒക്ടോബറിലായിരുന്നു പുനർനിർമ്മാണം തുടങ്ങേണ്ടിയിരുന്നത്. ഡിഎംആർസിയുടെ കേരളത്തിലെ പ്രവർത്തനം ജൂണിൽ അവസാനിക്കുകയാണ്. അതിനാലാണ് ഡിഎംആർസി പുനർനിർമ്മാണത്തിൽ നിന്ന് പിന്മാറുന്നത്.
