പാലക്കാട്: ഒട്ടേറെ മലയാള ചിത്രങ്ങളിലും പരസ്യചിത്രങ്ങളിലും ശ്രദ്ധേയമായ വേഷം ചെയ്തിട്ടുള്ള നടന് വിജയന് പെരിങ്ങോട് അന്തരിച്ചു. ഹൃദയാഘാതത്തെ തുടര്ന്ന് സ്വന്തം വീട്ടില് വെച്ചായിരുന്നു അന്ത്യം സംഭവിച്ചത്. പ്രൊഡക്ഷന് എക്സിക്യുട്ടീവായി സിനിമയില് എത്തിയ വിജയന് പെരിങ്ങോട് സൂപ്പര്താര സിനിമകളില് ഉള്പ്പെടെ ഒട്ടേറെ മലയാള സിനിമയില് ചെറുതും ശ്രദ്ധേയമായതുമായി അനേകം വേഷങ്ങള് ചെയ്തിട്ടുണ്ട്.
മലയാളത്തില് വന് ഹിറ്റായ ദേവാസുരം, മീശമാധവന്, കിളിച്ചുണ്ടന് മാമ്പഴം, പട്ടാളം, അച്ചുവിന്റെ അമ്മ, വടക്കുംനാഥന്, സെല്ലുലോയ്ഡ്, രക്ഷാധികാരി ബൈജു തുടങ്ങിയ ചിത്രങ്ങളില് അഭിനയിച്ചിരുന്നു. നാല്പ്പതിലേറെ ചിത്രങ്ങളില് വേഷമിട്ടിട്ടുള്ള താരമാണ്.
1983 ല് പിഎന് മേനോന് സംവിധാനം ചെയ്ത അസ്ത്രത്തിലൂടെ അഭിനയ രംഗത്തെത്തിയ വിജയന് ഗ്രാമീണ കഥകള് പറയുന്ന ഒട്ടേറെ ചിത്രങ്ങളില് അഭിനയിച്ചിട്ടുണ്ട്. മലയാളത്തിലെ ഒട്ടേറെ പരസ്യചിത്രങ്ങളിലും വിജയന് അഭിനയിച്ചിട്ടുണ്ട്. സംസ്ക്കാരം സംബന്ധിച്ച കാര്യങ്ങള് അറിവായിട്ടില്ല.
