ലോസ് ആഞ്ചലസ്: അമേരിക്കന് എയ്റോസ്പെയ്സ് കമ്പനിയായ സ്പെയ്സ് എക്സ് ഏഴ് ഉപഗ്രഹങ്ങള് ബഹിരാകാശത്തെത്തിച്ചു. കലിഫോര്ണിയയിലെ വന്ഡെന്ബര്ഗ് വ്യോമസേന കേന്ദ്രത്തിലെ സ്പെയ്സ് ലോഞ്ച് കോംപ്ലക്സില് നിന്നായിരുന്നു വിക്ഷേപണം.
നാസയുടെയും ടെലികോം കമ്പനി ഇറിഡിയം കമ്യൂണിക്കേഷന്സിന്റെയും ഉപഗ്രഹങ്ങളാണ് വിക്ഷേപിച്ചത്. വിശ്വസ്ത റോക്കറ്റായ ഫാല്ക്കണ് ഒന്പതാണു പുതിയ വിക്ഷേപണവും നടത്തിയത്.
നാസയുടെ ഇരട്ട ഉപഗ്രഹങ്ങളായ ഗ്രാവിറ്റി റിക്കവറി ആന്ഡ് ക്ലൈമറ്റ് എക്സ്പെരിമെന്റും(ഗ്രേയ്സ് ഫോ) ഇറിഡിയത്തിന്റെ അഞ്ച് നെസ്റ്റ് ഉപഗ്രഹങ്ങളുമാണ് ബഹിരാകാശത്ത് എത്തിച്ചത്.
