ന്യൂഡൽഹി: മുൻ കേന്ദ്രമന്ത്രിയും മുതിർന്ന ബി.ജെ.പി നേതാവുമായ സ്വാമി ചിന്മയാനന്ദിനെതിരെ പീഡന പരാതി നൽകിയ നിയമവിദ്യാർത്ഥിനി ഉത്തർപ്രദേശ് പൊലീസ് കസ്റ്റഡിയിൽ . തന്നെ ഭീഷണിപ്പെടുത്തി പണം തട്ടിയെന്ന ചിന്മയാനന്ദിന്റെ പരാതിയിൽ ചോദ്യം ചെയ്യുന്നതിനാണ് യുവതിയെ കസ്റ്റഡിയിലെടുത്തത്.
തനിക്കെതിരെ ചിന്മയാനന്ദ് നൽകിയ കേസിൽ അറസ്റ്റ് ചെയ്യുന്നത് തടയണമെന്നാവശ്യപ്പെട്ടുള്ള ഹർജി ഷാജഹാൻപൂരിലെ കോടതിയിൽ സമർപ്പിക്കുന്നതിന് വേണ്ടി പോകുന്നതിനിടയിലാണ് പൊലീസ് സംഘം യുവതിയെ കസ്റ്റഡിയിലെടുത്തത്. അറസ്റ്റ് തടയണമെന്നാവശ്യപ്പെട്ട് യുവതി നല്കിയ ഹര്ജി അലഹാബാദ് ഹൈക്കോടതി കഴിഞ്ഞദിവസം തള്ളിയിരുന്നു.
