പത്തനംതിട്ട : പത്തനംതിട്ടയില് നിപ്പ വൈറസ് ബാധ സ്ഥിരീകരിച്ചെന്ന വ്യാജ വാര്ത്തയ്ക്കെതിരെ പത്തനംതിട്ട അടൂര് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചു. കഴിഞ്ഞ ദിവസമായിരുന്നു അടൂര് ജനറല് ആശുപത്രിയില് നിന്നും വിദഗ്ദ പരിശോധനയ്ക്കായി ആലപ്പുഴ മെഡിക്കല് കോളേജിലേക്കു മാറ്റിയ വ്യക്തിക്ക് നിപ്പ വൈറസ്സ് പിടിപ്പെട്ടെന്നു നവമാധ്യമങ്ങളിലൂടെ വ്യാജ പ്രചരണം ഉണ്ടായത്.
എന്നാല് നവമാധ്യമങ്ങളിലൂടെ വ്യാജ പ്രചരണം നടത്തിയവര്ക്ക് എതിരെ പൊലീസ് അന്വേഷണം ആരംഭിച്ചു. തെറ്റായ പ്രചരണം നടത്തിയവര്ക്കു എതിരെ നടപടി വേണമെന്ന ആശുപത്രി സുപ്രണ്ടിന്റെ പരാതിയെ തുടര്ന്നാണ് അടൂര് സി.ഐ.സന്തോഷ് കുമാര് കേസ്സ് എടുത്ത് അന്വേഷണം ആരംഭിച്ചത്
