കോട്ടയം: കോട്ടയത്ത് ദുരഭിമാനക്കൊലയ്ക്ക് ഇരയായ കെവിന്റെ ഭാര്യ നീനുവിന്റെ കുടുബം നീനുവിന്റെ ഒരു സുഹൃത്തിനെ ആക്രമിക്കാന് മുമ്പ് ക്വട്ടേഷന് നല്കിയിരുന്നതായി സൂചന. രണ്ടുവര്ഷം മുമ്പ് തെന്മല സ്വദേശിക്കെതിരെ ആയിരുന്നു ഈ ക്വട്ടേഷന് നടന്നത്. ഇയാളെ വെട്ടിപ്പരിക്കേല്പ്പിക്കാന് ശ്രമമുണ്ടാവുകയും ചെയ്തു.തട്ടിക്കൊണ്ടുപോയ കോട്ടയം മാന്നാനം സ്വദേശി കെവിന്റെ മൃതദേഹം ഇന്നലെയാണ് പുനലൂരിലെ ചാലിയക്കര ആറ്റില്നിന്ന് കണ്ടെത്തിയത്.
സംഭവവുമായി ബന്ധപ്പെട്ട് മൂന്നുപേരെ പോലീസ് കസ്റ്റഡിയിലെടുത്തിട്ടുണ്ട്. നീനുവിന്റെ സഹോദരന് ഷാനുവാണ് കൊലപാതകത്തിന്റെ മുഖ്യ സൂത്രധാരനെന്നാണ് കണ്ടെത്തിയിട്ടുള്ളത്. നീനുവിന്റെ അച്ഛനും അമ്മയ്ക്കും ഇതില് പങ്കുണ്ടെന്ന് ആരോപിച്ച് പ്രതിയായ നിയാസിന്റെ മാതാവ് വെളിപ്പെടുത്തി. മൂന്നുവര്ഷമായി പ്രണയത്തിലായിരുന്ന കെവിനും നീനുവും നാലുദിവസം മുമ്പാണ് വിവാഹിതരായത്.
