ഇന്ന് അക്ഷയതൃതീയ: സ്വർണം വാങ്ങാൻ നല്ലദിവസം

286 0

ഇന്ന് അക്ഷയതൃതീയ: സ്വർണം വാങ്ങാൻ നല്ലദിവസം

ഇന്ന് അക്ഷയതൃതീയ പ്രമാണിച്ച് സ്വർണം വാങ്ങാൻ നല്ല ദിവസമാണെന്നാണ് വിശ്വാസം അതിനാൽ സ്വര്ണക്കടകളിൽ ഇന്ന് വൻ തിരക്കിനു സാധ്യത. വിശ്വാസികൾ അവരുടെ ഭാഗ്യം പരീക്ഷിക്കുമ്പോൾ ജി.എസ്.ടി യം നോട്ട് നിരോധനവും ഉണ്ടാക്കിയ ക്ഷിണത്തിൽ നിന്നും കരകയറാനുള്ള ഒരു പിടിവള്ളിയാണ് ഈ ദിവസം. കഴിഞ്ഞ വർഷം സ്വർണം ഗ്രാമിന് 2600 രൂപായിരുന്നു എന്നാൽ ഇപ്പോൾ അത് 2900 ൽ എത്തിനിൽക്കുന്നു. അക്ഷയതൃതീയ നാളിൽ 1000 കോടിക്കുമുകളിൽ ആണ് സ്വർണം വിൽക്കപെടുന്നത് എന്നാൽ മറ്റു ദിവസങ്ങളിൽ ഇത് 200 കോടി വരെ മാത്രമേ എത്താറുള്ളു.

എന്താണ് അക്ഷയ തൃതീയ ?

സൂര്യനും ചന്ദ്രനും ഒരുപോലെ പ്രഭാവമുള്ള മൂന്നു ദിനങ്ങൾ പൗരാണികർ വളരെ വിശേഷമായി കരുതി പ്പോന്നിരുന്നു.

1. ചൈത്രമാസത്തിലെ ശുക്ലപക്ഷ പ്രഥമ (നവവർഷം )

2.അശ്വിന മാസത്തിലെ ശുക്ലപക്ഷ ദശമി(വിജയദശമി )

3. വൈശാഖ മാസത്തിലെ ശുക്ലപക്ഷ തൃതീയ(അക്ഷയതൃതീയ)

സൂര്യനും ചന്ദ്രനും ഒരുപോലെ പ്രഭാവ ള്ള ദിവസമായതിനാൽ ഈ ദിനങ്ങൾ ശുഭ കർമങ്ങൾക്ക് ഉത്തമമാണെന്ന് വിശ്വസിക്കപ്പെട്ടു വന്നിരുന്നു.

വൈശാഖ മാസം വേദങ്ങളിൽ മാധവമാസം എന്നാണ് അറിയപ്പെടുന്നത്.പുഷ്പങ്ങളും ഫലങ്ങളുമെല്ലാം നിറഞ്ഞിരിക്കുന്ന വസന്ത ഋതുവിലെ വൈശാഖ മാസം, വെളുത്ത പക്ഷത്തിലെ തൃതീയയാണ് അക്ഷയതൃതീയ .

മഹാവിഷ്ണുവിന്റെ അവതാരമെന്ന് വിശ്വസിച്ചു വരുന്ന പരശുരാമൻ ജനിച്ചത് ഈ ദിനത്തിലാണ്. ആയതിനാൽ ഈ ദിനം പരശുരാമ ജയന്തിയായി ആചരിച്ചു വരുന്നു. പൗരാണികരുടെ വിശ്വാസ പ്രകാരം ഗംഗ സ്വർഗത്തിൽ നിന്നും ഭൂമിയിലേക്ക് ഇറങ്ങി വന്നത് ഈ ദിനത്തിലാണെന്ന് കരുതപ്പെടുന്നു.

ഭഗവാൻ വേദവ്യാസൻ മഹാഭാരതം എഴുതിത്തുടങ്ങിയതും ഇതേ നാളിലത്രെ. പഞ്ചപാണ്ഡവർക്ക് അക്ഷയപാത്രം ലഭിച്ചതും ഇതേ നാളാണെന്നു പറയപ്പെടുന്നു.

ഉത്തരേന്ത്യയിൽ പല ഭാഗത്തും അക്കാതീജ് എന്ന പേരിൽ ഈ ദിനം ആഘോഷിക്കുന്നു. ഒറീസയിലും ഉത്തർപ്രദേശിലും ഈ ദിനം കർഷകർ തങ്ങളുടെ നിലം ഉഴുതു തുടങ്ങും

അക്ഷയം എന്നാൽ ക്ഷയിക്കാത്തത് നശിക്കാത്തത് എന്ന് അർത്ഥം. ഏതൊരു കർമം ചെയ്താലാണോ അക്ഷയമായ ധനം ലഭിക്കുക അതിന് വളരെ വിശേഷപ്പെട്ടതാണ് ഈ ദിനം. ഉത്തമ കർമങ്ങൾ ചെയ്യാൻ ഏതെങ്കിലുമൊരു വിശേഷ ദിനം വേണം എന്നല്ല ഈ പറഞ്ഞതിനർത്ഥം. അക്ഷയ ധനം എല്ലാവർക്കും വേണം അതെപ്പോഴും വേണം. അതിന് ഏതു കർമങ്ങളാണ് അനുഷ്ഠിക്കേണ്ടത്. മൂന്ന് കർമങ്ങളാണ്.

1. ദാനം

2. തപസ്

3. യജ്ഞം

ഈ മൂന്ന് അലൗകിക സമ്പത്തുകളുടെ പ്രാധാന്യം വിളിച്ചു പറയുന്ന ദിനമാണ് അക്ഷയതൃതീയ.ആയതിനാൽ ഭാരതത്തിലെ പല പൗരാണിക സമൂഹങ്ങളും അതിവിശേഷമായിട്ടാണ് ഈ ദിനത്തെ കരുതിയിരുന്നത്. അന്നേ ദിവസം അവർ ഏതേതു ദേവതയെയാണോ ഉപാസിക്കുന്നത് ആ ദേവതയുടെ മന്ത്രം, മുഖ്യമായും ഗായത്രിമന്ത്രം തന്നെ ,നിരവധി തവണ ജപിക്കും പ്രാണായാമം, യോഗാഭ്യാസം വേദ സ്വാദ്ധ്യായം എന്നിവ ഏറെ ഭക്തിയോടെയും ശ്രദ്ധയോടെയും അനുഷ്ഠിക്കും.

നിത്യേനയുള്ള അഗ്നിഹോത്രത്തിനു പുറമെ വിശേഷ മന്ത്രങ്ങൾ ഓതികൊണ്ട് യജ്ഞങ്ങൾ ചെയ്യും. എല്ലാത്തിനും പുറമേ യോഗ്യമായ പാത്രത്തിൽ വൈദിക വിധിയനുസരിച്ച് യുക്തമായ ദാനം നൽകും.ഈ ലോകത്തും പരലോകത്തും ഒരുപോലെ ഐശ്വര്യം നൽകുന് യജ്ഞവും ദാനവും തപസ്സും.ഏതൊരു ദിനത്തിൽ ആദിത്യനും ചന്ദ്രനും പ്രഭാവത്തോടെയിരിക്കുന്നുവോ അങ്ങനെയുള്ള ശുഭവേള സീമിതമായ ധനത്തെക്കുറിച്ച് ചിന്തിച്ച് വ്യർത്ഥമാക്കി കളയാതെ അക്ഷയ ധനത്തെ സമ്പാദിക്കുന്നതിനുള്ള മുഹൂർത്തമാക്കി മാറ്റുവാനുള്ള ശിക്ഷണമാണ് അക്ഷയ തൃതിയ നൽകുന്നത്.

Related Post

സ്വര്‍ണ വിലയില്‍ വര്‍ധനവ്‌ 

Posted by - Jun 15, 2018, 02:15 pm IST 0
കൊച്ചി : സ്വര്‍ണ വിലയില്‍ വര്‍ധന പവന് 120 രൂപ വര്‍ധിച്ച്‌ 23,120 രൂപയും ഗ്രാമിന് 15 രൂപ കൂടി 2,890 രൂപയിലുമാണ് വ്യാപാരം പുരോഗമിക്കുന്നത്. വ്യാഴാഴ്ചയും…

10 ലക്ഷം കോടി രൂപ വിപണിമൂല്യം നേടുന്ന ആദ്യത്തെ കമ്പനിയായി റിലയന്‍സ് ഇന്‍ഡസ്ട്രീസ്

Posted by - Nov 28, 2019, 02:47 pm IST 0
മുംബൈ: രാജ്യത്ത് 10 ലക്ഷം കോടി രൂപ വിപണിമൂല്യം നേടുന്ന ആദ്യത്തെ കമ്പനിയായി റിലയന്‍സ് ഇന്‍ഡസ്ട്രീസ് ഉയർന്നു. വ്യാഴാഴ്ച രാവിലത്തെ വ്യാപാരത്തിലാണ് ഈ നേട്ടം റിലയന്‍സ് സ്വന്തമാക്കിയത്.…

ജീവനക്കാരിൽ പന്നിപ്പനി കണ്ടെത്തിയതിനെത്തുടർന്ന് സാപ്പ് ഇന്ത്യയിലെ ഓഫീസുകള്‍ അടച്ചു

Posted by - Feb 21, 2020, 12:15 pm IST 0
ബെംഗളുരു: രണ്ട് ജീവനക്കാരില്‍ പന്നിപ്പനി സ്ഥിരീകരിച്ചതിനെ തുടര്‍ന്ന്  പ്രധാന  സോഫ്റ്റ് വെയര്‍ കമ്പനിയായ സാപിന്റെ (SAP) രാജ്യത്തെ ഓഫീസുകള്‍ അടച്ചു. താത്കാലികമായി ഗുഡ്ഗാവ്, ബെംഗളുരു, മുംബൈ എന്നിവിടങ്ങളിലെ…

ഇന്ത്യന്‍ ഏലത്തിന് സൗദി അറേബ്യയില്‍ തിരിച്ചടി  

Posted by - May 8, 2018, 06:31 pm IST 0
ഇന്ത്യയില്‍ നിന്നും ഇറക്കുമതി ചെയ്യുന്ന ഏലത്തിന് സൗദി അറേബ്യയില്‍ നിരോധനം ഏർപ്പെടുത്തിയതായി റിപ്പോർട്ടുകൾ. അമിത കീടനാശിനിയാണ് നിരോധനത്തിന് പിന്നിലെന്നാണ് റിപ്പോർട്ട്.  2018 ജനുവരിയില്‍ ഉല്‍പാദിപ്പിച്ച് 2020 ല്‍…

വരിക്കാരുടെ എണ്ണത്തില്‍ ജിയോ  30 കോടി കടന്നു 

Posted by - Apr 17, 2019, 03:25 pm IST 0
മുംബൈ: മുകേഷ് അംബാനിയുടെ റിലയന്‍സ് ജിയോയിലെ വരിക്കാരുടെ എണ്ണം 30 കോടി കടന്ന് മുന്നോട്ട്. സേവനം തുടങ്ങി രണ്ടര വര്‍ഷം കൊണ്ടാണ് റിലയന്‍സ് ജിയോ ഈ വന്‍…

Leave a comment