ടൊവിനോ തോമസിനെ നായകനാക്കി രോഹിത് വി എസ് സംവിധാനം ചെയ്യുന്ന 'കള' മാര്ച്ച് 25ന് പ്രേക്ഷകര്ക്ക് മുന്നിലെത്തും. സിനിമയ്ക്ക് എ സര്ട്ടിഫിക്കറ്റാണ് ലഭിച്ചിരിക്കുന്നത്. വയലന്സ് രംഗങ്ങള് ഉള്പ്പട്ടതുകൊണ്ടാണ് ചിത്രത്തിന് എ സര്ട്ടിഫിക്കറ്റ് നല്കിയതെന്നാണ് റിപ്പോര്ട്ടുകള്.
അഡ്വഞ്ചേഴ്സ് ഓഫ് ഓമനക്കുട്ടന്, ഇബ് ലീസ് തുടങ്ങിയ ചിത്രങ്ങള്ക്ക് ശേഷം രോഹിത് വി എസ് ഒരുക്കുന്ന മൂന്നാമത്തെ ചിത്രമാണ് 'കള'. ത്രില്ലര് സ്വഭാവത്തില് ഒരുക്കിയിരിക്കുന്ന ചിത്രം 97കാലഘട്ടത്തില് നടക്കുന്ന കഥയാണ് പറയുന്നത്. ഈ സിനിമയുടെ ആക്ഷന് രംഗങ്ങളുടെ ചിത്രീകരണത്തിനിടെ ടൊവിനോ തോമസിന് പരുക്കേറ്റിരുന്നു. പിന്നീട് ആഴ്ചകള് നീണ്ട വിശ്രമത്തിനു ശേഷമാണ് ഷൂട്ടിങ് പൂര്ത്തീകരിച്ചത്.
ടൊവിനോ തോമസിനൊപ്പം ലാല്,ദിവ്യ പിള്ള, ആരിഷ്, മൂര് തുടങ്ങിയവര് മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ഛായാഗ്രഹണം അഖില് ജോര്ജ്. എഡിറ്റിംഗ് ചമന് ചാക്കോ. ശബ്ദ സംവിധാനം ഡോണ് വിന്സെന്റ്. അസോസിയേറ്റ് ഡയറക്ടേഴ്സ് ബാസിദ് അല് ഗസാലി, സജൊ. പബ്ലിസിറ്റി പവിശങ്കര്. ജൂവിസ് പ്രൊഡക്ഷന്സാണ് ചിത്രം നിര്മ്മിക്കുന്നത്. സഹ നിര്മ്മാതാക്കള് ടൊവിനോ തോമസ്, രോഹിത് വി എസ്, അഖില് ജോര്ജ്.
