മലപ്പുറം: വടകരയില് ആര്എംപിയെ യുഡിഎഫ് പിന്തുണയ്ക്കുമെന്ന് രമേശ് ചെന്നിത്തല പറഞ്ഞു.
കെ.കെ രമ തന്നെയായിരിക്കും സ്ഥാനാര്ത്ഥിയെന്നും യുഡിഎഫ് പിന്തുണയ്ക്കുമെന്നും ചെന്നിത്തല പറഞ്ഞു. രമ മത്സരിക്കാന് സന്നദ്ധയാണെന്ന് എന്.വേണു അറിയിച്ചെന്നും രമേശ് ചെന്നിത്തല പറഞ്ഞു.
കോണ്ഗ്രസ് സ്ഥാനാര്ത്ഥി പട്ടിക സംബന്ധിച്ച എല്ലാ പ്രതിഷേധങ്ങളും രണ്ട് ദിവസം കൊണ്ട് അവസാനിക്കും. അഭിപ്രായ വ്യത്യാസങ്ങള് സ്വാഭാവികമാണ്. ബി.ജെ.പി ഇത്തവണ ഒരു സീറ്റില് പോലും ജയിക്കില്ല. പുലിമടയില് ചെന്ന് പുലിയോട് ഏറ്റുമുട്ടുകയാണ് നേമത്ത് കോണ്ഗ്രസ് എന്നും ചെന്നിത്തല പറഞ്ഞു.
വടകര നിയോജക മണ്ഡലത്തില് കെ കെ രമ സ്ഥാനാര്ത്ഥിയാകില്ലെന്നായിരുന്നു നേരത്തെ പുറത്തുവന്ന വിവരം. മത്സരിക്കാന് താത്പര്യമില്ലെന്ന് രമ പാര്ട്ടിയെ അറിയിച്ചെന്നായിരുന്നു സൂചന. രക്തസാക്ഷിയായ ടി പി ചന്ദ്രശേഖരന്റെ ഭാര്യയും പാര്ട്ടി നേതാവുമായ കെ കെ രമ മത്സരിക്കണമെന്ന് കോണ്ഗ്രസ് നേതൃത്വം ഔദ്യോഗികമായി ആവശ്യപ്പെട്ടിരുന്നു. മണ്ഡലത്തില് കെ കെ രമ സ്ഥാനാര്ത്ഥിയാവുകയാണെങ്കില് പിന്തുണക്കുമെന്നായിരുന്നു കഴിഞ്ഞ ദിവസം രമേശ് ചെന്നിത്തല മാധ്യമപ്രവര്ത്തകരോട് പറഞ്ഞത്.
