ന്യൂഡല്ഹി: മുത്തൂറ്റ് ഗ്രൂപ്പ് ചെയര്മാന് എം.ജി.ജോര്ജ് മുത്തൂറ്റ് (72) അന്തരിച്ചു. വെള്ളിയാഴ്ച രാത്രി ഡല്ഹിയിലെ വസതിയില്വച്ചായിരുന്നു അന്ത്യം.
ഭാര്യ- സാറ ജോര്ജ് മുത്തൂറ്റ്. മുത്തൂറ്റ് ഗ്രൂപ്പ് എക്സിക്യൂട്ടീവ് ഡയറക്ടര് ജോര്ജ് എം. ജോര്ജ്, ഗ്രൂപ്പ് ഡയറക്ടര് അലക്സാണ്ടര് ജോര്ജ്, പരേതനായ പോള് മുത്തൂറ്റ് ജോര്ജ് എന്നിവരാണ് മക്കള്.
പത്തനംതിട്ടയലെ കോഴഞ്ചേരിയില് 1949 നവംബര് രണ്ടിനാണ് ജനനം. കഴിഞ്ഞ വര്ഷം ഫോബ്സ് മാഗസിന് പ്രസിദ്ധീകരിച്ച ഇന്ത്യയിലെ അതിസമ്പന്നരുടെ പട്ടികയില് ഇടം നേടിയിന്നു. കേരളത്തിലെ ഏറ്റവും സമ്പന്നനായ വ്യക്തിയായും കഴിഞ്ഞ വര്ഷം മാസിക റിപ്പോര്ട്ട് ചെയ്തത് ജോര്ജ് മുത്തൂറ്റിനെയായിരുന്നു. 1979 ല് മുത്തൂറ്റ് ഗ്രൂപ്പിന്റെ എം.ഡി.യായി. 93 ലാണ് ചെയര്മാനായി ചുമതലയേറ്റത്. ഓര്ത്തഡോക്സ് സഭാ മുന് അല്മായ ട്രസ്റ്റിയായിരുന്നു പരേതന്.
