മുംബൈ: മുംബൈ സ്ഫോടന കേസില് ശിക്ഷിക്കപ്പെട്ട ജലീല് അന്സാരി പരോളിലിരിക്കെ രക്ഷപ്പെട്ടു. ജലീല് അന്സാരിയെ പരോളിലിരിക്കെ വ്യാഴാഴ്ചയാണ് കാണാതാവുന്നത്. അന്സാരി അജ്മേര് ജയിലില് ജീവപര്യന്തം തടവ് ശിക്ഷ അനുഭവിച്ചു കൊണ്ടിരിക്കുമ്പോഴാണ് 21 ദിവസത്തെ പരോളില് പുറത്ത് പോവുന്നത്. പരോൾ കാലാവധി കഴിഞ്ഞ് വെള്ളിയാഴ്ച അവസാനിക്കേണ്ടതായിരുന്നു . അഗ്രിപാഡ പോലീസ് സ്റ്റേഷന് പരിധിയില് ദിവസവും 10.30നും 12 മണിക്കുമിടയില് ഹാജര് രേഖപ്പെടുത്തണം. എന്നാല് വ്യാഴാഴ്ച ഇയാള് പോലീസ് സ്റ്റേഷനിലെത്തിയില്ല. വ്യാഴാഴ്ച ഉച്ചയ്ക്കു ശേഷം അന്സാരിയുടെ മകന് ജെയിദ് അന്സാരി പിതാവിനെ കാണാനില്ലെന്ന് പറഞ്ഞ് പോലീസ് സ്റ്റേഷനിലെത്തി. സിമി, ഇന്ത്യന് മുജാഹിദ്ദീന് പോലുള്ള നിരോധിത സംഘടനകള്ക്ക് ബോംബ് ഉണ്ടാക്കി കൊടുക്കാന് സഹായിച്ചയാളാണ് ഡോക്ടര് ബോംബ് എന്ന പേരില് അറിയപ്പെടുന്ന ജലീസ് അന്സാരി.
മുംബൈ സ്ഫോടന കേസില് ശിക്ഷിക്കപ്പെട്ട ജലീല് അന്സാരി പരോളിലിരിക്കെ രക്ഷപ്പെട്ടു
Posted on Jan 17, 2020, 11:22 am IST at 11:22 am 
