ന്യൂഡല്ഹി: പൗരത്വ ഭേദഗതി നിയമം പാസ്സാക്കിയതിലൂടെ ജനവിധിയാണ് നടപ്പായതെന്നും ഇതിനെ രാജ്യത്തെ ജനങ്ങള് ബഹുമാനിക്കണമെന്നും പ്രധാനമന്ത്രി നരേന്ദ്ര മോദി. പൗരത്വ രജിസ്റ്റര് രാജ്യവ്യാപകമായി നടപ്പാക്കാന് സര്ക്കാര് തീരുമാനിച്ചിട്ടില്ലെന്നും മോദി പറഞ്ഞു.40 ലക്ഷത്തോളം വരുന്ന ഡല്ഹിയിലെ അനധികൃത കോളനി വാസികള്ക്ക് സര്ക്കാര് ഭൂമിയിൻമേലുള്ള ഉടമസ്ഥാവകാശം നല്കുന്നതിനായാണ് റാലി സംഘടിപ്പിച്ചത്. നാനാത്വത്തില് ഏകത്വമാണ് ഭാരതത്തിന്റെ ശക്തി. പൗരത്വ ഭേദഗതി നിയമം രാജ്യത്തെ ജനങ്ങളുടെ നല്ല ഭാവിക്കുവേണ്ടി ഉണ്ടാക്കിയതാണ് . എന്നാല് ചില രാഷ്ട്രീയ കക്ഷികള് കിംവദന്തികള് പ്രചരിപ്പിക്കുകയാണ്.
മോദിയെ വെറുത്തോളൂ, നിങ്ങള് ഇന്ത്യയെ വെറുക്കരുത്. പാവങ്ങളുടെ വീടുകള്ക്കും കച്ചവടസ്ഥാപനങ്ങള്ക്കും തീവെക്കരുത്. നിരവധി പോലീസുകാർ നമുക്കുവേണ്ടി ജീവന്വെടിഞ്ഞു. പോലീസുകാര് നിങ്ങളെ സഹായിക്കാനുള്ളവരാണ്, അവരെ ആക്രമിക്കരുത്', മോദി പറഞ്ഞു.
