ന്യൂഡല്ഹി: ബിജെപി എംപി പ്രജ്ഞാ സിങ് ഠാക്കൂറിനെ പ്രതിരോധ മന്ത്രാലയത്തിന്റെ പാര്ലമെന്ററി കൂടിയാലോചന കമ്മിറ്റിയില് നിന്ന് പുറത്താക്കി. മഹാത്മാഗാന്ധിയെ കൊലപ്പെടുത്തിയ നാഥുറാം ഗോഡ്സെയെ പുകഴ്ത്തി വീണ്ടും ലോക്സഭയില് പ്രസ്താവന നടത്തിയതിനാലാണ് പ്രജ്ഞയെ പുറത്താക്കിയത്.
പ്രജ്ഞാ സിങിന്റെ പ്രസ്താവനയെ ബിജെപി അപലപിക്കുന്നു. ഇത്തരം പ്രസ്താവനകളോ ആശയങ്ങളോ ബിജെപി ഒരിക്കലും പിന്തുണയ്ക്കില്ല. പ്രജ്ഞാ സിങിനെ പ്രതിരോധ മന്ത്രാലയത്തിന്റെ പാര്ലമെന്ററി കൂടിയാലോചന കമ്മിറ്റിയില് നിന്ന് പുറത്താക്കാന് തങ്ങള് തീരുമാനിച്ചതായും, ഈ സഭാ സമ്മേളനത്തില് ബിജെപിയുടെ പാര്ലമെന്ററി പാര്ട്ടി യോഗത്തില് അവരെ പങ്കെടുപ്പിക്കില്ലെന്നും നഡ്ഡ പറഞ്ഞു.
