കൊൽക്കത്ത : ബംഗാൾ ഉപതെരഞ്ഞെടുപ്പിൽ മത്സരിക്കാനായി കോൺഗ്രസ്സും ഇടത് പക്ഷവും കൈകോർക്കുന്നു . നവംബർ 25ന് നടക്കുന്ന നിയമസഭാ തെരഞ്ഞെടുപ്പിലാണ് മത്സരിക്കാനായി ഇരുക്കൂട്ടരും കൈകൊടുത്തത്.
മൂന്ന് സീറ്റുകളിൽ ഒന്നിൽ സിപിഎം സ്ഥാനാർത്ഥിയും മറ്റ് രണ്ട് സീറ്റുകളിൽ കോൺഗ്രസ്സ് സ്ഥാനാർത്ഥികളും മത്സരിക്കുമെന്നാണ് ധാരണ ആയിരിക്കുന്നത്. കരിംപൂർ, കാലിയാഗഞ്ച്, ഖരഗ്പൂർ എന്നീ സ്ഥലങ്ങളിലാണ് ഉപതെരഞ്ഞെടുപ്പ് നടക്കുന്നത്. കരിംപൂരിലാണ് ഇടത് പക്ഷം സ്ഥാനാർത്ഥിയെ നിർത്തുന്നത്. മറ്റ് രണ്ടിടത്ത് കോൺഗ്രസ്സ് സ്ഥാനാർത്ഥികളും മത്സരിക്കും.
