മുംബൈ: ശിവസേന അധ്യക്ഷന് ഉദ്ധവ് താക്കറെയുടെ മൂത്ത മകന് ആദിത്യ താക്കറ മഹാരാഷ്ട നിയമസഭാ തെരഞ്ഞെടുപ്പില് മത്സരിക്കാൻ തെയ്യാറെടുക്കുന്നു . താക്കറെ കുടുംബത്തില് നിന്ന് ആദ്യമായാണ് ഒരാള് തെരഞ്ഞെടുപ്പില് മത്സരിക്കുന്നത്. മുംബൈയിലെ വർളി മണ്ഡലത്തിലാകും ആദിത്യ മത്സരിക്കുകയെന്ന് ശിവസേന അറിയിച്ചു.
എന്ഡിഎ വീണ്ടും അധികാരത്തിലെത്തിയാല് മുഖ്യമന്ത്രി പദം ലക്ഷ്യമാക്കിയാണ് ആദിത്യ താക്കറയെ മത്സരിപ്പിക്കുന്നത്. ശിവസേനയില് നിന്ന് ഒരു മുഖ്യമന്ത്രി ഉണ്ടാകുമെന്ന് പിതാവ് ബാല് താക്കറെക്ക് നല്കിയ വാഗ്ദാനം കഴിഞ്ഞ ദിവസം ഉദ്ധവ് താക്കറെ ആവർത്തിച്ചിരുന്നു.
