പിറവം : പിറവം പള്ളിയിൽ പ്രതിഷേധക്കാരായ യാക്കോബായ മെത്രാന്മാരും പുരോഹിതരും അറസ്റ്റ് വരിച്ചു. ഹൈക്കോടതിയുടെ നിർദേശത്തെത്തുടർന്ന് പോലീസ് പള്ളിയുടെ ഗേറ്റിലെ പൂട്ട് പൊളിച്ച് അകത്തുകടന്നു.
കളക്ടറുമായി നടത്തിയ ചർച്ചയെത്തുടർന്നാണ് അറസ്റ്റ് വരിച്ച് സമാധാനപരമായി സംഘർഷാവസ്ഥയ്ക്ക് പരിഹാരം ഉണ്ടാക്കാൻ ധാരണയിലായത് . 67 പേരെയാണ് അറസ്റ്റ് ചെയ്ത് നീക്കിയത്.
പോലീസ് പള്ളിയിൽ ബലമായി പ്രവേശിച്ചതോടുകൂടി പ്രദേശത്ത് സംഘർഷാവസ്ഥ ഉടലെടുത്തു.തുടർന്ന് കളക്ടർ മെത്രാന്മാരുമായി ചർച്ച നടത്തി. പള്ളിയിൽ നിന്ന് ഇറങ്ങില്ലെന്ന് നിലപാടെടുത്ത യാക്കോബായ മെത്രാന്മാർ ചർച്ചയ്ക്ക് ശേഷം നിലപാട് മയപ്പെടുത്തുകയായിരുന്നു.
