ന്യൂ ഡൽഹി : നിയമവിദ്യാർഥിനിയുടെ പരാതിയിൽ ബിജെപി നേതാവും മുൻ കേന്ദ്രമന്ത്രിയുമായ സ്വാമി ചിന്മയാനന്ദനെ അറസ്റ്റ് ചെയ്തു.. ഉത്തർ പ്രദേശ് പോലീസിന്റെ പ്രത്യേക അന്വേഷണ സംഘമാണ് ചിന്മയാനന്ദിനെ അറസ്റ്റ് ചെയ്തത്.
അറസ്റ്റ് രേഖപ്പെടുത്തിയതിന് ശേഷം ചിന്മയാനന്ദിനെ ആശുപത്രിയിൽ കൊണ്ടുപോയി.
പീഡനപരാതി തെളിയിക്കുന്ന 43 വീഡിയോകൾ അടങ്ങിയ പെൻഡ്രൈവ് പെൺകുട്ടി അന്വേഷണ സംഘത്തിന് കൈമാറിയിരുന്നു. ഇയാൾ ഒരുവർഷത്തോളം പെൺകുട്ടിയെ പീഡിപ്പിച്ചിരുന്നു എന്നാണ് പരാതിയിൽ പറയുന്നത്.
