ഡല്ഹി: രാഷ്ട്രപതിഭവന് സമീപത്ത് ഡ്രോണ് പറത്തിയ അമേരിക്കന് പൗരന്മാർ കസ്റ്റഡിയിൽ . അച്ഛനും മകനുമാണ് കസ്റ്റഡിയില് ആയത് . സെപ്റ്റംബര് 14നാണ് ഇരുവരെയും കസ്റ്റഡിയില് എടുത്തതെന്ന് പോലീസ് അറിയിച്ചു. വിഡിയോ ക്യാമറയില് ഇവര് പകര്ത്തിയ ദൃശ്യങ്ങള് പോലീസ് പിടിച്ചെടുത്തിട്ടുണ്ട്.
വിനോദ സഞ്ചാരത്തിനായി എത്തിയതാണെന്നും ഒരു ഓണ്ലൈന് പോര്ട്ടലിലാണ് ജോലി ചെയ്യുന്നതെന്നും ഇവര് പോലീസിനോട് പറഞ്ഞു. അതിനു വേണ്ടിയാണ് ചിത്രങ്ങള് എടുത്തതെന്നാണ് ഇരുവരും പോലിസിനോട് വിശദീകരിച്ചത്. ഇരുവരെയും ചോദ്യം ചെയ്ത് വരികയാണെന്നും വിശദമായ അന്വേഷണം നടത്തുമെന്നും പോലീസ് അറിയിച്ചു. തലസ്ഥാന നഗരിയില് ഡ്രോണ് പറത്തുന്നത് നിരോധിച്ചിട്ടുണ്ട്.
