വനിതാ ഡോക്ടറുടെ ആത്മഹത്യ: മൂന്നു വനിതാ ഡോക്ടര്‍മാര്‍ അറസ്റ്റില്‍  

196 0

മുംബൈ: മുംബൈയില്‍ പി.ജി വിദ്യാര്‍ത്ഥിയായ വനിതാ ഡോക്ടര്‍ ആത്മഹത്യ ചെയ്ത സംഭവത്തില്‍ മൂന്നു വനിതാ ഡോക്ടര്‍മാര്‍ അറസ്റ്റില്‍. പായല്‍ തദ്വി എന്ന 26കാരിയാണ് കഴിഞ്ഞ ദിവസം ജീവനൊടുക്കിയത്. ഒപ്പം താമസിക്കുന്നവരും പഠിക്കുന്നവരും ജാതി പറഞ്ഞ് അധിക്ഷേപിച്ചതിന്റെ പേരിലായിരുന്നു ആത്മഹത്യ.

ഡോക്ടര്‍മാരായ ഭക്തി മെഹ്റെ, അങ്കിത ഖന്ദെല്‍വാള്‍, ഹേമ അഹുജ എന്നിവരാണ് അറസ്റ്റിലായത്. പായലിന്റെ ഒപ്പംതാമസിച്ചിരുന്ന ഭക്തിയെ കഴിഞ്ഞ ദിവസം പോലീസ് ചോദ്യം ചെയ്തിരുന്നു. ഇവരുടെ മൊഴിയുടെ അടിസ്ഥാനത്തിലാണ് ഹേമയേയും അങ്കിയയേയും ഇന്നലെ രാത്രി അറസ്റ്റു ചെയ്തത്. ഈ മാസം 22നാണ് പായല്‍ ജീവനൊടുക്കിയത്.

ആദിവാസി വിഭാഗത്തില്‍പെടുന്ന പായലിനെ മുതിര്‍ന്ന ഡോക്ടര്‍മാര്‍ ജാതി പറഞ്ഞ് അധിക്ഷേപിച്ചുവെന്നും ആത്മഹത്യയിലേക്ക് നയിച്ചത് ഇതാണെന്നും കുറ്റക്കാരായ ഡോക്ടര്‍മാരെ അറസ്റ്റു ചെയ്യണമെന്നും കാണിച്ച് മാതാപിതാക്കള്‍ ആശുപത്രിക്കു മുന്നില്‍ സമരം നടത്തിയിരുന്നു. സമരത്തിന് പിന്തുണയുമായി ദളിത് പിന്നോക്ക വിഭാഗ സംഘടനകളും രംഗത്തെത്തിയിരുന്നു. തങ്ങളുടെ സമുദായത്തില്‍ നിന്നുള്ള ആദ്യ പി.ജി ഡോക്ടര്‍ ആയിരുന്നു പായല്‍ എന്നും മുതിര്‍ന്ന ഡോക്ടര്‍മാര്‍ അവരോട് ജാതിയുടെ പേരില്‍ ക്രൂരമായാണ് പെരുമാറിയിരുന്നതെന്നും അമ്മ അബെദയും പിതാവ് സല്‍മാനും പറഞ്ഞു.

ഡോക്ടര്‍മാര്‍ രോഗികളുടെ മുന്നില്‍വച്ചുപോലും പായലിനോട് മോശമായി പെരുമാറിയിരുന്നു. ഫയലുകള്‍ മുഖത്തേക്ക് വലിച്ചെറിഞ്ഞിരുന്നു. മുതിര്‍ന്ന ഡോക്ടര്‍മാരില്‍ നിന്നുള്ള ഭീഷണി ഭയന്ന് പരാതി എഴുതി നല്‍കാന്‍ പോലും മകള്‍ തയ്യാറായില്ലെന്നും മാതാപിതാക്കള്‍ പറയുന്നു.

Related Post

ഭര്‍ത്താവ് ഭാര്യയെ തലയ്ക്കടിച്ചു കൊന്നു പൊലീസില്‍ കീഴടങ്ങി  

Posted by - May 26, 2019, 09:39 am IST 0
കൊച്ചി: ഭാര്യയെ ഭര്‍ത്താവ് തലയ്ക്കടിച്ച് കൊന്നു. നെട്ടൂര്‍ സ്വദേശിനി ബിനിയാണ് ഭര്‍ത്താവ് ആന്റണിയുടെ അടിയേറ്റ് കൊല്ലപ്പെട്ടത്. മാരകായുധം ഉപയോഗിച്ച് തലയ്ക്കടിച്ചാണ് കൊലപാതകം നടന്നതെന്നാണ് റിപ്പോര്‍ട്ടുകള്‍. ഞായറാഴ്ച്ച പുലര്‍ച്ചെ…

ഭര്‍ത്താവ് ഭാര്യയെ വെട്ടിക്കൊന്നു; കുടുംബവഴക്ക് കൊലപാതകത്തില്‍ കലാശിച്ചു  

Posted by - May 16, 2019, 09:30 am IST 0
തിരുവനന്തപുരം: കരകുളം മുല്ലശ്ശേരിയില്‍ ഭര്‍ത്താവ് ഭാര്യയെ വെട്ടിക്കൊന്നു. മുല്ലശ്ശേരി സ്വദേശിനിയായ സ്മിത (38) ആണ് മരിച്ചത്. ഭര്‍ത്താവ് സജീവ് കുമാറിനെ പൊലീസ് കസ്റ്റഡിയിലെടുത്തു. കുടുംബവഴക്കാണ് കൊലപാതകകാരണമെന്നാണ് പൊലീസിന്റെ…

പ്രണയാഭ്യര്‍ത്ഥന നിരസിച്ച നഴ്‌സിനെ വെട്ടിയ ആംബുലന്‍സ് ഡ്രൈവര്‍ അറസ്റ്റില്‍  

Posted by - May 31, 2019, 12:53 pm IST 0
തിരുവനന്തപുരം: പ്രണയാഭ്യര്‍ത്ഥന നിരസിച്ചതിന് ആംബുലന്‍സ് ഡ്രൈവര്‍ ആശുപത്രി ജീവനക്കാരിയെ വെട്ടിപരിക്കേല്‍പിച്ചു. തിരുവനന്തപുരത്ത് എസ്എടി ആശുപത്രിയിലെ നഴ്‌സിംഗ് അസിസ്റ്റന്റ് പുഷ്പ(39)യ്ക്കാണ് വെട്ടേറ്റത്. ഇവരെ വെട്ടിയ കൊല്ലം സ്വദേശിയും ആംബുലന്‍സ്…

ചിദംബരത്തിന്റെ അറസ്റ്റ് ഒരു സന്തോഷവാർത്ത: ഇന്ദ്രാണി മുഖർജി

Posted by - Aug 29, 2019, 01:18 pm IST 0
മുംബൈ: മുൻ ധനമന്ത്രി പി ചിദംബരത്തിന്റെ അറസ്റ്റ് ഐ‌എൻ‌എക്സ് മീഡിയയുടെ സഹസ്ഥാപകനായ ഇന്ദ്രാണിമുഖർജിക്ക് സന്തോഷകരമായ വാർത്തയാണ്. 2007 ൽ ധനമന്ത്രിയായിരുന്നപ്പോൾ ഇന്ദ്രാണി മുഖർജിയയും ഭർത്താവ് പീറ്ററും ചേർന്ന്…

ആലപ്പുഴയില്‍ വീടിന്റെ മുന്‍വാതില്‍ കുത്തിതുറന്ന് അറുപതു പവന്‍ കവര്‍ന്നു  

Posted by - May 31, 2019, 12:54 pm IST 0
ആലപ്പുഴ: ആലപ്പുഴയിലെ വള്ളികുന്നത്ത് വീടിന്റെ മുന്‍വാതില്‍ കുത്തിത്തുറന്ന് അറുപത് പവന്‍ സ്വര്‍ണം കവര്‍ന്നു. ഉപ്പുകണ്ടത്തിന് സമീപം പൂമംഗലത്ത് സദാനന്ദന്റെ വീട്ടിലാണ് മോഷണം നടന്നത്. സദാനന്ദന്റെ സഹോദരന്റെ മരണവുമായി…

Leave a comment