ഇറ്റാനഗര്: അരുണാചല് പ്രദേശില് എംഎല്എയെയും എംഎല്എയുടെ ഏഴംഗ കുടുംബത്തെയും വെടിവെച്ചു കൊന്നു. സംസ്ഥാനം ഭരിക്കുന്ന നാഷണല് പീപ്പിള്സ് പാര്ട്ടിയുടെ എംഎല്എ ടിറോങ് അബോയെയും കുടുംബത്തെയുമാണ് അജ്ഞാത സംഘം വെടിവെച്ചു കൊന്നത്. ആക്രമണത്തിന് പിന്നില് വിഘടനവാദ സംഘടനയായ നാഷണല് സോഷ്യലിസ്റ്റ് കൗണ്സില് ഓഫ് നാഗലാന്ഡിലെ പ്രവര്ത്തകരാണെന്നാണ് സംശയം.
ഖോന്സ വെസ്റ്റ് മണ്ഡലത്തിലെ എംഎല്എയാണ് ടിറോങ്. ലോക്സഭ തെരഞ്ഞെടുപ്പിനോടനുബന്ധിച്ച് നടന്ന നിയമസഭ തെരഞ്ഞെടുപ്പില് ഖോന്സ മണ്ഡലത്തില് വീണ്ടും തെരഞ്ഞെടുപ്പ് നടത്തണമെന്ന് ആവശ്യപ്പെട്ട് ടിറോങ് വാര്ത്തകളില് നിറഞ്ഞിരുന്നു. അത്യന്തം ദുഃഖകരമായ സംഭവമാണെന്ന് എന്പിപി നേതാവും മുഖ്യമന്ത്രിയുമായ കോണ്റാഡ് സാങ്മ ട്വീറ്റ് ചെയ്്തു. ആക്രമണത്തിന് പിന്നില് പ്രവര്ത്തിച്ചവര്ക്കെതിരെ തക്കതായ നടപടി സ്വീകരിക്കണമെന്ന് കേന്ദ്രആഭ്യന്തരമന്ത്രി രാജ്നാഥ്സിങ്ങിനോടും പ്രധാനമന്ത്രിയുടെ ഓഫീസിനോടും കോണ്റാഡ് സാങ്മ ആവശ്യപ്പെട്ടു.
