തിരുവനന്തപുരം: തിരുവനന്തപുരം വിമാനത്താവളത്തില്‍ നിന്ന് എട്ടുകോടി വിലവരുന്ന 25 കിലോഗ്രാം സ്വര്‍ണം പിടികൂടി. തിരുമല സ്വദേശി സുനിലില്‍ നിന്നാണ് സ്വര്‍ണം പിടിച്ചെടുത്തത്. സംഭവവുമായി ബന്ധപ്പെട്ട് ഒമാനില്‍ നിന്നെത്തിയ രണ്ട് യാത്രക്കാരെ കസ്റ്റഡിയിലെടുത്തു. പരിശോധനയിലാണ് സ്വര്‍ണം കണ്ടെത്തുന്നത്.
സ്വര്‍ണ ബിസ്‌ക്കറ്റുകളാണ് പിടികൂടിയിരിക്കുന്നത്. കസ്റ്റംസ് ഉദ്യോഗസ്ഥര്‍ തിരുമല സ്വദേശി സുനിലിനെ ചോദ്യം ചെയ്തുവരികയാണ്. ഈയിടെയായി കേരളത്തിലെ വിമാനത്താവളങ്ങള്‍ വഴിയുള്ള സ്വര്‍ണ്ണക്കടത്ത് വ്യാപകമാകുന്നതായാണ് കണക്കുകള്‍ സൂചിപ്പിക്കുന്നത്.
