മുംബൈ : മൊബൈല് ഫോണ് അമിതമായി ഉപയോഗിച്ചതിനെ തുടര്ന്ന് മകളെ പിതാവ് മണ്ണണ്ണ ഒഴിച്ച് തീ കൊളുത്തി. മുംബൈയിലെ വിരാറിലാണ് സംഭവം. 70 ശതമാനം പൊള്ളലോടെയാണ് പെണ്കുട്ടിയെ ആശുപത്രിയില് പ്രവേശിപ്പിച്ചത്. കുട്ടിയുടെ നില ഗുരുതരമാണെന്ന് ആശുപത്രി അധികൃതര് അറിയിച്ചു.
പിതാവ് മുര്തിസ മന്സൂരിയെ (35) പൊലീസ് അറസ്റ്റ് ചെയ്തു. ഇയാള്ക്കെതിരെ കൊലപാതക ശ്രമത്തിന് പോലീസ് കേസ് രജിസ്റ്റര് ചെയ്തിട്ടുണ്ട്. പതിനാറുകാരിയായ മകള് അമിതമായി ഫോണ് ഉപയോഗിക്കുന്നതിനെച്ചൊല്ലി മന്സൂരി വഴക്കിടുക പതിവായിരുന്നു.
സംഭവ ദിവസം ഫോണിനെച്ചോല്ലി മകളുമായി വാക്കേറ്റത്തിലേര്പ്പെട്ട പിതാവ് നിയന്ത്രണം വിട്ടതോടെ മണ്ണെണ്ണ ഒഴിച്ച് മകളെ തീകൊളുത്തി. സംഭവം നടക്കുമ്ബോള് കുടുംബാംഗങ്ങള് വീട്ടിലുണ്ടായിരുന്നില്ല. പെണ്കുട്ടിയെ ആശുപത്രിയിലെത്തിച്ചത് അയല്വാസികളാണ്.
