ന്യൂഡല്ഹി : മാനനഷ്ടക്കേസില് റിപബ്ലിക്ക് ടിവി എഡിറ്റര് അര്ണബ് ഗോസ്വാമിക്ക് സമന്സ്. തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതിയാണ് സമന്സ് അയച്ചത്. തിരുവനന്തപുരം കോടതിയില് അര്ണബ് ഗോസ്വാമി നേരിട്ട് ഹാജരാകണം.
ഭാര്യ സുനന്ദ പുഷ്കറിന്റെ മരണവുമായി ബന്ധപ്പെട്ട് റിപബ്ലിക് ടിവി സംപ്രേഷണം ചെയ്ത വാര്ത്തകളില് തനിക്കെതിരെ അപകീര്ത്തികരമായ പരാമര്ശങ്ങളുണ്ടായിരുന്നു എന്ന ശശി തരൂര് എം.പിയുടെ പരാതിയിലാണ് നടപടി.
2017 ജൂണിലാണ് തരൂര് പരാതി നല്കിയത്. അര്ണബ് ഗോസ്വാമിക്കെതിരെ പ്രഥമ ദൃഷ്ട്യാ കേസ് ഉണ്ടെന്നും നടപടികളുമായി മുന്നോട്ട് പോകാമെന്നും കോടതി വ്യക്തമാക്കി. അര്ണബിനോട് ഫെബ്രുവരി 28ന് കോടതിയില് ഹാജാരാകാനാണ് കോടതി ഉത്തരവിട്ടത്.
