നെടുമങ്ങാട്: പ്രശസ്ത നാടക-സീരിയല് നടനായ കരകുളം ചന്ദ്രന് അന്തരിച്ചു. 68 വയസായിരുന്നു. ഇന്ന് പുലര്ച്ചെ ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ഇദ്ദേഹത്തെ അയല്വാസികളാണ് തലസ്ഥാനത്തെ സ്വകാര്യ ആശുപത്രിയില് എത്തിച്ചത്. എന്നാല് ജീവന് രക്ഷിക്കാനായില്ല.
മൂന്ന് തവണ തുടര്ച്ചയായി മികച്ച നാടക സംവിധായകനുള്ള സംസ്ഥാന അവാര്ഡ് ഉള്പ്പെടെ നിരവധി പുരസ്കാരങ്ങള് കരകുളം ചന്ദ്രനെ തേടിയെത്തിയിട്ടുണ്ട്. സംസ്കാരം ശനിയാഴ്ച തൈക്കാട് ശാന്തികവാടത്തില് നടക്കും. മക്കള് നിതീഷ് ചന്ദ്രന്, നിതിന് ചന്ദ്രന്.
