തിരുവനന്തപുരം: കണിയാപുരത്ത് നിയന്ത്രണംവിട്ട കാര് ഇടിച്ച് കാല്നട യാത്രക്കാരായ രണ്ട് പേര് മരിച്ചു. അബ്ദുല് സലാം (75), കൊച്ചുമകള് ആലിയ (11) എന്നിവരാണ് മരിച്ചത്. ഇന്ന് വൈകിട്ട് ആണ് അപകടം നടന്നത്.
മൂന്ന് ബൈക്കുകളില് ഇടിച്ച ശേഷമാണ് കാര് കാല്നട യാത്രികര്ക്കു നേരെ പാഞ്ഞു കയറിയത്. കാറില് മൂന്ന് പേര് ഉണ്ടായിരുന്നു. ഇവര് മദ്യ ലഹരിയിലായിരുന്നുവെന്ന് നാട്ടുകാര് ആരോപിച്ചു. രോഷാകുലരായ നാട്ടുകാര് കാര് തല്ലിതകര്ത്തു.
