തിരുവനന്തപുരം : സംസ്ഥാനത്ത് വടക്കന് ജില്ലകളില് കനത്ത മഴ തുടരുന്നു. മൂന്നുദിവസംകൂടി കനത്ത മഴ തുടരും. അഞ്ചു ജില്ലയിലെ വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി പ്രഖ്യാപിച്ചു. എറണാകുളം ജില്ലയില് അങ്കണവാടി മുതല് ഹയര് സെക്കന്ഡറി വരെയുള്ള വിദ്യാഭ്യാസസ്ഥാപനങ്ങള്ക്ക് അവധിയാണ്. കോളേജുകള്ക്ക് അവധിയില്ല. ഇടുക്കി, വയനട് ജില്ലകളില് പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് അവധിയാണ്.
മലപ്പുറം ജില്ലയില് പ്രൊഫഷണല് കോളേജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി. പരീക്ഷകള്ക്ക് മാറ്റമില്ല. കോഴിക്കോട് ജില്ലയിലെ പ്രൊഫഷണല് കോളേജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്ക് അവധിയാണ്. ആലപ്പുഴ ജില്ലയില് ചേര്ത്തല താലൂക്കിലെ പ്രൊഫഷണല് കോളേജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു.
