മലപ്പുറം: എടപ്പാളില് ഗ്യാസ് ടാങ്കര് കടയിലേക്ക് ഇടിച്ചു കയറി ഒരാള്ക്ക് പരിക്കേറ്റു. ഇന്നലെ രാത്രി 12 മണിയോടെയായിരുന്നു അപകടം. കൊച്ചിയില് നിന്ന് പാചകവാതകവുമായി മംഗലാപുരത്തേക്ക് പോവുകയായിരുന്ന ടാങ്കറാണ് കടയിലേക്ക് ഇടിച്ചു കയറിയത്.
ഡ്രൈവര് കന്യാകുമാരി സ്വദേശിയായ ജയപാലിനെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. വാതക ചോര്ച്ചയില്ല. ഇടിയുടെ ആഘാതത്തില് ടാങ്കറിന്റെ മുന്വശം പൂര്ണമായും തകര്ന്നു. ഫയര്ഫോഴ്സും നാട്ടുകാരും രണ്ട് മണിക്കൂറോളം ശ്രമിച്ചാണ് ടാങ്കറിനുള്ളില് കുടുങ്ങിക്കിടന്ന ജയപാലിനെ രക്ഷിച്ചത്.
