ദോഹ: നിപ വൈറസ് ബാധയെ തുടര്ന്ന് കേരളത്തിലേക്കുള്ള യാത്ര പരമാവധി ഒഴിവാക്കണമെന്ന് സ്വദേശികള്ക്കും വിദേശികള്ക്കും ഖത്തര് പൊതുജനാരോഗ്യമന്ത്രാലയത്തിന്റെ മുന്നറിയിപ്പ്. കേരളത്തില് നിന്നും ഖത്തറിലേക്കുള്ള യാത്രക്കാര് ആരോഗ്യകേന്ദ്രങ്ങളില് നിന്നും ആവശ്യമായ പരിശോധനകള് നടത്തണം.
കേരളത്തിലെ മലപ്പുറം, കോഴിക്കോട് ജില്ലകളില് പടര്ന്നുപിടിച്ച നിപ വൈറസ് ബാധയെ തുടര്ന്ന് വിവിധ അതോറിറ്റികളുമായി ചേര്ന്ന് ആരോഗ്യമന്ത്രാലയം ആവശ്യമായ മുന്കരുതലുകള് സ്വീകരിച്ചിട്ടുണ്ട്.
സ്ഥിതി നിയന്ത്രണവിധേയമാകുന്നത് വരെ കേരളത്തില് നിന്നുള്ള പച്ചക്കറികള്ക്കും പഴങ്ങള്ക്കും പൊതുജനാരോഗ്യ മന്ത്രാലയം താല്ക്കാലിക വിലക്കേര്പ്പെടുത്തിയിട്ടുമുണ്ട്. രാജ്യത്തെ ആശുപത്രികളിലും ഹെല്ത്ത് സെന്ററുകളിലും എന്തെങ്കിലും സംശയകരമായ സാഹചര്യങ്ങള് കണ്ടാല് ഉടന് തന്നെ അവശ്യ നടപടികള് സ്വീകരിക്കണമെന്ന് നിര്ദേശം നല്കിയതായും മന്ത്രാലയം വ്യക്തമാക്കി.
