വാഷിംഗ്ടണ്: സ്പെയ്സ് എക്സ് കമ്പനിയുടെ ഫാല്ക്കണ് ഒമ്പത് റോക്കറ്റിന്റെ പരിഷ്കരിച്ച പതിപ്പായ ബ്ലോക്ക് 5 ഉപയോഗിച്ചുള്ള വിക്ഷേപണം ഫ്ളോറിഡയില് വിജയകരമായി നടന്നു.
ഫാല്ക്കണ് ഒമ്പതിന്റെ ഏറ്റവും ശക്തിയേറിയ പതിപ്പാണ് ബ്ലോക്ക് 5 റോക്കറ്റ്. പരമാവധി 24 മണിക്കൂറിനുള്ളില് ദൗത്യം പൂര്ത്തിയാക്കി തിരിച്ചിറങ്ങാന് സാധിക്കുന്ന വിധത്തില് റോക്കറ്റിനെ സജ്ജീകരിക്കാനാണ് സ്പെയ്സ് എക്സ് ഒരുങ്ങുന്നത്.
നാസയുടെ കെന്നഡി ബഹിരാകാശ കേന്ദ്രത്തില് നിന്നായിരുന്നു വിക്ഷേപണം. ബംഗ്ലാദേശിന്റെ ആദ്യ വാര്ത്താവിനിമയ ഉപഗ്രഹത്തെയാണ് ഫാല്ക്കണ് ഭ്രമണപഥത്തില് എത്തിച്ചത്. രാജ്യാന്തര ബഹിരാകാശ നിലയത്തിലേക്ക് യാത്രികരെ എത്തിക്കാനും ലക്ഷ്യമിടുന്നുണ്ട്.
