ഡെറാഡൂണ്‍: അതിശക്തമായ മഞ്ഞുവീഴ്ചയെ തുടര്‍ന്ന് പ്രശ്സ്ത തീര്‍ഥാടന കേന്ദ്രമായ ബദ്രിനാഥില്‍ വനിതാ തീര്‍ഥാടക ഹൃദയാഘാതം മൂലം മരിച്ചു. കേദാര്‍നാഥ് ക്ഷേത്രത്തിലായിരുന്നു അന്ത്യം. ശക്തമായ മഴയും കൊടുങ്കാറ്റും നേരിടുന്ന ഉത്തരാഖണ്ഡില്‍ കാലാവസ്ഥാ നിരീക്ഷ കേന്ദ്രം നേരത്തെ മുന്നറിയിപ്പ് നല്‍കിയിരുന്നു.
കേദാര്‍നാഥിലെ തീര്‍ഥാടകരെ സഹായിക്കാന്‍ സൗകര്യമൊരുക്കിയിട്ടുണ്ടെന്നും കാലാവസ്ഥ മെച്ചപ്പെടുന്നത് വരെ സുരക്ഷിതമായ ഇടങ്ങളില്‍ പാര്‍പ്പിച്ചിരിക്കുകയാണെന്നും രുദ്രപ്രയാഗ് ജില്ലാ മജിസ്ട്രേറ്റ് മങ്കേഷ് ഘില്‍ഡിയാല്‍ അറയിച്ചു.
ഉത്തരാഖണ്ഡ് മുന്‍ മുഖ്യമന്ത്രി ഹരീഷ് റാവത്, രാജ്യ സഭാംഗം പ്രദീപ് താംത എന്നിവരടക്കം നൂറ് കണക്കിന് തീര്‍ഥാടകര്‍ മഞ്ഞുവീഴ്ചയെ തുടര്‍ന്ന് ക്ഷേത്രങ്ങളില്‍ കുടുങ്ങിക്കിടക്കുകയാണ്. മഞ്ഞുവീഴ്ചയെ തുടര്‍ന്ന് കേദാര്‍നാഥിലേക്കുള്ള ഹെലിക്കോപ്റ്റര്‍ സേവനവും തീര്‍ഥാടകരുടെ പ്രവേശനവും നിര്‍ത്തിവെച്ചിരിക്കുകയാണ്.
