ബംഗളൂരു: അര്‍ബുദ ബാധിതയായി കഴിയുന്ന അമ്മയെ കാണുന്നതിന് വേണ്ടി മഅ്ദനിക്ക് കേരളത്തിലേക്ക് പോകാന്‍ അനുമതി. ബംഗളൂരു സ്‌ഫോടന കേസില്‍ അറസ്‌റ്റിലായി പരപ്പന അഗ്രഹാര ജയിലില്‍ കഴിയുന്ന പി.ഡി.പി ചെയര്‍മാന്‍ അബ്ദുള്‍ നാസര്‍ മഅ്ദനിക്ക് കേരളത്തിലേക്ക് പോകാന്‍ എന്‍.ഐ.എ പ്രത്യേക കോടതിയാണ് അനുമതി നല്‍കി.
മഅ്ദനിക്ക് ജാമ്യവ്യവസ്ഥയിലാണ് ഇളവ് അനുവദിച്ചത്. മേയ് മൂന്നു മുതല്‍ 11 വരെ മഅ്ദനിക്ക് കേരളത്തില്‍ തങ്ങാമെന്ന് കോടതി അറിയിച്ചു. 11ന് വൈകിട്ടോടെ ജയിലില്‍ തിരിച്ചെത്തണം. രോഗിയായ അമ്മയെ കാണാന്‍ കേരളത്തിലേക്ക് പോകാന്‍ അനുവദിക്കണമെന്നാവശ്യപ്പെട്ടാണ് മഅ്ദനി കോടതിയെ സമീപിച്ചത്.
